Negosyante nakaligtas sa pananambang sa Mandaue City

Nakaligtas ang isang negosyante sa pananambang sa Barangay Alang Alang, sa Mandaue City, Miyerkules (February 20) ng umaga.

Kinilala ng mga otoridad ang negosyante na si John Denero.

Ayon kay Sr. Supt. Julian Entoma, hepe ng Mandaue City Police Station (MCPO), kapwa hindi nasaktan si Denero at kaniyang asawa na noon ay sakay ng kanilang kotse.

Mabilis namang tumakas ang tatlong suspek sakay ng motorsiklo.

Sinabi ni Entoma na ihahatid lang sana ni Denero ang kaniyang misis sa trabaho nang sila ay tambangan.