5 arestado sa buy-bust sa Caloocan

Arestado ang tatlong lalaki at dalawang babae sa ikinasang buy-bust operation ng mga otoridad sa Brgy. 63 sa Caloocan City.

Dalawa sa mga nadakip ay hinihinalang tulak ng ilegal na droga habang ang tatlo ay parokyano ng mga ito.

Ikinasa ng mga pulis ang operasyon laban sa suspek na si alyas Ester.

Nakabili ng P200 halaga ng shabu ang poseur buyer sa suspek na nagresulta sa pagkakadakip nito at sa apat na iba pang nadatnan din sa lugar.

Nakuha sa kanila ang 4 na sachet ng hinihinalang shabu.