Timbog ang isang 18 anyos na estudyante matapos mahulihan ng marijuana sa trangkahan ng Arellano University sa Sampaloc, Maynila.
Nakilala ang estudyante na si Elmer Diosaban na estudyante ng naturang Pamantasan.
Naaresto si Diosaban matapos inspeksyunin ng security guards ang kanyang bag na bahagi ng Standard Operating Procedure (SOP) ng unibersidad.
Nakuha mula sa kanya ang isang maliit na glass tube na naglalaman ng pinatuyong dahon na pinaniniwalaang marijuana.
Dinala na ang nakuhang ebidensya sa PNP Crime Laboratory para masuri.
Nahaharap naman ang estudyante sa kasong paglabag sa RA 9165 o Comprehensive Dangerous Drugs Act of 2002.
MOST READ
LATEST STORIES