DFA may bagong consular office sa Misamis Occidental

Binuksan ng Department of Foreign Affairs (DFA) ang bago nitong consular office sa Misamis Occidental.

Ito ay bilang dagdag serbisyo sa dumaraming nagtutungo sa mga consular office ng DFA sa Zamboanga at Mindanao Regions.

Ang bagong consular office ang ika-35 na binuksan ng DFA at matatagpuan ito sa Clarin Town Center sa bayan ng Clarin.

Bukas ang tanggapan mula Lunes hanggang Biyernes alas 9:00 ng umaga hanggang alas 6:00 ng gabi.

Sa ngayon, available na ang online apppointment para sa nasabing consular office sa website ng DFA.