Amihan, makakaapekto sa buong bansa ngayong araw

Magiging maulap ang panahon sa malaking bahagi ng bansa dahil sa pag-iral pa rin ng Northeast Monsoon o Hanging Amihan.

Sa 4a.m. Pagasa weather forecast ngayong Martes (February 19), partly cloudy na may isolated rains ang iiral sa Bicol region, Eastern Visayas, Caraga, Davao Region, Cagayan, Isabela, Aurora at Quezon.

Parehong panahon ang asahan sa Metro Manila at nalalabing bahagi ng bansa.

Ayon pa sa Pagasa, katamtaman hanggang malakas ang hangin sa silangang bahagi ng Visayas at Mindanao habang ang coastal waters ay moderate hanggang rough.

Mahina hanggang katamtaman naman ang ihip ng hangin sa natitirang bahagi ng Luzon at Visayas