Taripa sa angkat na bigas at paglipat ng NFA sa DA, simula na sa Marso

Nakatakdang magsimula sa susunod na buwan ang taripa sa rice imports at ang paglipat ng National Food Authority (NFA) sa ilalim ng Department of Agriculture (DA).

Ito ay alinsunod sa inaprubahan ng NFA Council.

Sa statement ng Department of Finance (DOF) ay nakasaad na epektibo sa March 3 ang implementasyon ng tariff sa angkat na bigas.

Nakasaad din na inaprubahan ng NFA Council ang paglipat ng trabaho ng NFA sa DA alinsunod sa bagong rice tariffication law.

Nagpulong ang NFA Council araw ng Lunes at plinantsa ang implementing rules and regulation (IRR) ng bagong batas.

Unang kinumpirma ng Palasyo na inaprubahan ni Pangulong Rodrigo Duterte ang pagpataw ng 35 percent na taripa sa mga aangkating bigas mula sa mga kalapit na bansa sa Southeast Asia.

Layon ng batas na magkaroon ng unlimited na imported rice basta’t mayroong phytosanity permit ang pribadong negosyante mula sa Bureau of Plant and Industry at magbabayad ng 35 percent na taripa sa shipment mula sa mga bansa sa rehiyon.

Sa pulong ng council ay inaprubahan din ang mosyon na magsumite ang NFA ng restructuring plan sa loob ng 30 araw imbes na ang unang panukala na 180 araw