May-ari ng bahay, nawawala sa sunog sa Mandaluyong

(Update) Napaulat na nawawala ang may-ari ng bahay ng nasunog na bahay sa Ayala Homes sa Barangka, Mandaluyong City.

Ayon sa otoridad, hinahanap ang may-ari ng bahay na si Raymond Liwanag.

Sa report ng Bureau of Fire Protections (BFP), wala sa bahay ang asawang babae nang mangyari ang sunog.

Hindi umano ma-contact ang lalaking may-ari kaya nagsagawa ng clearing operation ang mga bumbero.

Nabatid na ilang sasakyan sa bahay ang kasamang nasunog.

Nagsimula ang sunog alas 1:41 Martes ng umaga.

Itinaas ang unang alarma alas 1:45 ng umaga.

Dakong 2:08 ng umaga ay nagdeklara ng fire under control.

Patuloy ang imbestigasyon sa dahilan at halaga ng pinsala sa ari-arian ng sunog.