3 arestado matapos mahulihan ng ilegal na droga sa Tondo

Naaresto ng mga tauhan ng Station 2 ng Manila Police District (MPD) ang tatlong suspek sa isinagawang Anti-Criminality Campaign sa Chacon St. malapit sa kanto ng Nicolas St., Tondo, Maynila.

Kinilala ang mga suspek na sina Danilo Densing, 43-anyos; Alexander Taccad, 43-anyos; at John Brian Fortades, 18-anyos.

Ayon kay Insp. Robert Dato, Dagupan Outpost Commander nagsagawa sila ng Anti-Criminality Campaign at nakita nila ang mga suspek na may kahina-hinalang kilos.

Nang kanila itong sitahin, nakuhanan sila ng tatlong plastic sachet na may lamang hinihinalang shabu.

Kasong paglabag sa RA 9165 o Comprehensve Dangerous Drug Act of 2002 ang isinampa ng MPD laban sa mga suspek.