PUBLIC SERVICE: Scheduled power interruption ng Meralco ngayong araw, Feb. 18

Mawawalan ng suplay ng kuryente ang bahagi ng Mandaluyong at Maynila ngayong araw.

Ayon sa Meralco, sa pagitan ng alas 9:30 ng umaga at alas 2:30 ng hapon mamaya ay mawawalan ng suplay ng kuryente ang bahagi ng Barangay Plainview.

Ito ay dahil sa gagawing pagpapalit ng poste sa kahabaan ng Malaya, Sangumay at Sikap Streets.

Samantala, sa pagitan naman ng alas 10:00 ng umaga at alas 3:00 ng hapon ay mawawalan ng suplay ng kuryente ang bahagi ng Baseco Compound, Port Area sa Maynila.

Maglilipat naman ng pasilidad ang Meralco at may gagawing reconductoring works sa Dubai Street sa Baseco Compound.