30 pamilya nawalan ng tirahan sa sunog sa Parañaque City

Nawalan ng tirahan ang 30 pamilya matapos sumiklab ang sunog sa isang residential area sa Parañaque City, Biyernes ng hapon.

Ayon kay Fire Officer 1 Miyuki Tuto, 15 kabahayan ang tinupok ng apoy sa bahagi ng Purok 7 Riverside, Barangay Moonwalk.

Umabot sa ikalawang alarma ang sunog dakong 1:31 ng hapon.

Idineklara naman itong fire under control matapos ang 30 minuto.

Sa ngayon, patuloy pang inaalam ang naging sanhi at kabuuang halaga ng pinsala ng sunog.