LOOK: Biyahe ng LRT-1 naantala dahil sa nagkaproblemang tren sa Carriedo station

Naantala ng ilang minuto ang biyahe ng LRT-Line 1 dahil sa nagkaproblemang tren sa Carriedo Station southbound.

Pasado alas 10:00 ng umaga sinabi ng LRT-1 na itinigil ang biyahe mula Baclaran patungong Roosevelt.

Ito ay para masiguro umano ang kaligtasan ng mga pasahero at agad ding tinugunan ng kanilang technician ang problema.

Hindi naman tinukoy ng LRT-1 kung ano ang naging partikular na problema sa tren.

Alas 10:27 nang maibalik sa normal ang operasyon.

Humingi ng paumanhin ang LRT-1 sa mga naabalang pasahero.