PAGASA: Walang sama ng panahon sa susunod na 2-3 araw

Walang sama ng panahon na makaaapekto sa bansa sa susunod na dalawa hanggang tatlong araw.

Ayon sa 4am weather update ng PAGASA, hanging Amihan pa rin ang weather system na umiiral sa kasalukuyan.

Ngayong araw dahil sa Amihan, mararanasan ang maulap na kalangitan na may mahihinang pag-ulan sa Bicol Region, Romblon, Oriental Mindoro, Eastern at Central Visayas.

Sa Metro Manila at nalalabing bahagi ng Luzon, Visayas at Mindanao ay generally fair weather ang mararanasan maliban sa pulo-pulong mahihinang pag-ulan.

Wala namang nakataas na gale warning saanmang baybaying dagat ng bansa kaya’t ligtas na makapaglalayag ang mga mangingisda.