Bus, SUV nagkabanggaan sa Talisay City

Nagkabanggaan ang isang sports utility vehicle at isang mini bus sa Cebu South Coastal Road (CSCR) sa Talisay City pasado 12:00 ng tanghali, araw ng Miyerkules.

Ang bus ay mula sa Dalaguete southern Cebu at binabagtas ang northbound lane nang bilang nag-counterflow ang isang Isuzu mu-X SUV mula sa southbound lane.

Wala namang napaulat na nasawi sa aksidente ngunit agad dinala ang drayber ng SUV sa ospital.

Nagdulot ang aksidente ng mabigat na trapiko sa southbound lane ng CSCR.

Sa ngayon, iniimbestigahan pa ng pulisya ang tunay na naging sanhi ng aksidente.