Comelec, umaasang matatapos ang bilangan ng 2nd BOL plebiscite result ngayong araw

Umaasa ang Commission on Elections (Comelec) na matatapos ang tabulation ng resulta ng ikalawang Bangsamoro Organic Law (BOL) plebiscite sa Lanao del Norte at North Cotabato ngayong araw (Miyerkules).

Ayon kay Comelec spokesperson James Jimenez, nagkakaroon lamang ng delay sa tabulation ngunit lahat naman aniya ng boto ay nasa kanila na.

Dalawang beses nang naantala ang proklamasyon ng posibleng inclusion sa Lanao del Norte at ilang munisipalidad sa North Cotabato.

Matatandaang unang target ng Comelec na matapos ang canvassing ng February 6 plebiscite sa loob lamang ng apat na araw.