Rice tariffication bill, nakatakdang mag-lapse into law kapag hindi napirmahan ni Pangulong Duterte hanggang Biyernes

Kung mabibigo si Pangulong Duterte na lagdaan ang rice tariffication bill hanggang sa Biyernes, February 15 ay magiging isa na itong ganap na batas.

Sa February 15 nakatakdang mag-lapse into law ang naturang panukala maliban na lang kung i-veto ito ng pangulo.

Sa ilalim ng panukala, pagagaanin ang mga polisiya sa rice importation.

Naratipikahan sa Senado ang panukala noong Nobyembre.

Aalisin na ang quantitative restrictions sa pag-aangkat ng bigas kapag naipasa ang panukalang batas.

Kailangan naman ng private importers na kumuha ng phytosanitary permit mula sa Bureau of Plant Industry at magbayad ng 35-percent tariff para sa shipments ng bigas mula Southeast Asian countries.