4 na babae kabilang ang 1 menor de edad nasagip mula sa isang bugaw sa Makati

Nasagip ng mga otoridad ang apat na babae na ibubugaw dapat sa Makati City.

Sa isinagawang operasyon, nadakip ang suspek na magbebenta sana sa mga biktima sa halagang P2,000 hanggang P4,000.

Ayon kay Sr. Supt. Gemma Cruz Vinluan ng PNP-Women and Children Protection Desk, dinala ang mga babae sa isang restaurant at doon sila pagpipilian ng mga customer.

Kasama sa nadakip ay isang menor de edad at kwento niya, niyaya lang siya ng suspek para kumain sa labas.

Ayon naman sa isa pang biktima, hindi umano niya alam na ibubugaw na pala sila ng suspek.

Mahaharap ang suspek sa kasong paglabag sa RA 9208 o Anti-Trafficking in Persons Act of 2003.