3 arestado sa buy bust sa QC

Arestado ang tatlong drug suspek sa isinagawang buy bust operation sa Brgy. Pinyahan, Quezon City maghahating-gabi ng Miyerkules.

Nagsagawa ang Cubao Police Station-7 ng operasyon na nagresulta sa pagkakaaresto kina John Roel Elis, 25 anyos; Arnel Varquez, 57 anyos; at Patrick Alberto, 47 anyos.

Napag-alamang dati nang sumuko sa tokhang sina Elis at Alberto.

Nakuha mula sa mga suspek ang mga plastic sachet na naglalaman ng hinihinalang shabu na tinatayang nagkakahalaga ng P6,800, drug paraphernalia at buy bust money.

Mahaharap ngayon ang mga suspek sa mga kasong paglabag sa RA 9165 o Comprehensive Dangerous Drugs Act of 2002.