P11M na halaga ng smuggled na sigarilyo nasabat ng Coast Guard

Nakumpiska ng mga tauhan ng Philippine Coast Guard at PDEA ang aabot sa 11 milyon pisong halaga ng smuggled na sigarilyo sa Zamboanga City.

Nasabat ang nasa 158 kahon ng sigarilyo sa Zamboanga City Pier.

Sakay ang mga ito ng MV Kristel Jane 3 na una nang inireport sa mga otoridad dahil sa kahina-hinalang dami ng tobacco products na laman nito.

Nang magsagawa ng operasyon ay natuklasan ng mga tauhan ng coast guard at PDEA ang mga smuggled na sigarilyo na itinago sa engine room ng barko.

Galing umano sa Sandakan Malaysia ang mga sigarilyo.