Duterte: NPA hindi kailangan sa land reform

Sinabi ni Pangulong Rodrigo Duterte na hindi kailangan ang komunistang New People’s Army (NPA) para mamahagi ng mga lupa sa mga walang lupang magsasaka.

Ayon sa Pangulo, sa ilalim ng kanyang administrasyon, ibibigay niya ang lahat ng publikong lupa sa mga magsasaka.

Inatasan ni Duterte si Agrarian Reform Sec. John Castriciones na ibigay ang lahat ng lupa sa mga tao.

“Ibigay mo na lahat. Hindi na natin kailangan ang NPA, what for?” pahayag ng Pangulo.

“Ang plano ko…ibibigay ko lahat sa panahon ko…lahat ng lupa ng gubyerno. Wala namang nakikinabang,” ani Duterte.

Ginawa ng Pangulo ang pahayag sa pamamahagi ng mga titulo ng lupa sa mga magsasaka sa Buluan, Maguindanao.