15 pamilya sa Cagayan de Oro, nawalan ng bahay dahil sa sunog

Sumiklab ang sunog sa Barangay Macasandig sa Cagayan de Oro City, Linggo ng umaga.

Hindi bababa sa 15 na pamilya ang nawalan ng tirahan dahil sa sunog.

Ayon kay Fire Insp. Sam laurence Velarde, nagsimulang sumiklab ang sunog bandang 11:00 ng umaga mula sa kusina ng isa sa mga apektadong bahay.

Mabilis aniyang kumalat ang apoy dahil gawa lamang sa light materials ang mga bahay.

Idineklara namang fire under control ito dakong 12:08 ng tanghali.

Aabot sa P300,000 ang kabuuang halaga ng pinsala sa mga ari-arian sa lugar.