Ayon kay Senate Minority Leader Franklin Drilon, maaaring dumulog sa Supreme Court (SC) para sabihing bawal ang national budget alinsunod sa kaso na dinesisyunan na ng korte.
Ang tinutukoy ng Senador ay ang 2013 ruling ng SC na nagdeklarang unconstitutional ang Priority Development Assistance Fund (PDAF) o ang pork barrel.
Ayon kay Drilon, naibigay sa Senado ang bicameral report para sa 2019 national budget alas 2:00 Biyernes ng hapon at nagkaroon lang ang mga Senador ng 15 minuto para sa review ng mg dokumento na naglalaman ng halos 50 pahina.
Dagdag ng Senador, mayroong abuse of discretion sa panig ng maraming mambabatas dahil sa pagsingit ng kanilang mga proyekto sa pambansang pondo.