Apat na menor de edad arestado sa pagnanakaw sa mga tindahan sa Davao City

Arestado ang apat na menor de edad matapos pagnakawan ang ilang mga tindahan sa Davao City.

Ayon sa Davao City police ang apat ay pawang edad 10, 13 at 16.

Isang establisyimento umano ang pinasok ng mga menor de edad pero agad silang nahuli matapos mamonitor ang isa sa kanila na pumapasok sa pamamagitan ng butas sa kisame.

Hinala ng mga otoridad, ang grupo din ng mga kabataan ang nasa likod ng serye ng panloloob sa iba pang business establishments nitong nagdaang mga araw.

Ang dalawa sa apat na menor de edad ay mayroon nang rekord sa Sta. Ana Police station dahil sa pagnanakaw ng P200,000 na halaga.

Itinurn over sa Department of Social Welfare and Development (DSWD) ang apat.