Año: Pagsabog sa Jolo, Sulu, case solved na

Inihayag ni Interior Secretary Eduardo Año na maituturing ng case solved ang mga pagsabog sa Jolo, Sulu dahil sa pagsuko ng 5 pangunahing suspek.

Ayon kay Año, nakilala na ang mga nagpasabog, nasa kustodiya na sila ng pulisya at kinasuhan na.

Ang 5 suspek ay sinampahan na ng 23 counts ng murder, 95 counts ng frustrated murder at damage to property.

Patuloy naman anya ang pagtugis sa iba pang kasabwat ng 5 suspek.

Nasa 14 pang kasabwat ang subject ng hot pursuit ng mga otoridad.

Kinumpirma rin ng kalihim na ang mga nagpasabog ay ang mag-asawang Indonesian na hanggang ngayon ay tinutukoy pa ang pagkakilanlan.