Binatilyo patay matapos masagasaan ng pick-up sa Isabela

Patay ang isang 15 anyos na binatilyo makaraang mabundol ng pick-up sa Echague, Isabela.

Sa inisyal na imbestigasyon, nagbibisikleta ang biktima na si Art Cartajera sa Barangay Garit Norte kasama ang kaibigan nya.

Nagkasagian umano ang bisikleta ng magkaibigan dahilan para mawalan ng balanse si Cartajera at napunta sa kabilang linya ng kalsada.

Sakto namang paparating ang pick up kaya nabundol ang biktima.

Naisugod pa sa ospital ang biktima pero idineklarang dead on arrival.

Dinakip naman ang 64 anyos na driver ng pick up na empleyado umano ng gobyerno.