WATCH: Outbreak ng tigdas sa Metro Manila kinumpirma ng DOH

Kinumpirma ng Department of Health (DOH) na mayroong outbreak ng tigdas sa Metro Manila.

Sa panayam ng Radyo Inquirer sinabi ni Health Sec. Francisco Duque mula kasi noong January 1 hanggang February 1 ngayong taon ay umabot na sa 47 ang bilang ng mga batang nasawi dahil sa tigdas sa Metro Manila pa lamang.

Pero hindi aniya ibig sabihin na ang nasabing mga nasawi sa tigdas ay pawang taga-Metro Manila lang, dahil ang iba sa kanila ay taga-lalawigan subalit sa San Lazaro Hospital sa Maynila dinala.

Sinabi ni Duque na karamihan sa mga nasawi ay dahil sa kumplikasyon ng tigdas na pneumonia.

Libre naman aniya ang bakuna laban sa tigdas kaya dapat ay hindi mag-atubili ang mga magulang na pabakunahan ang kanilang anak.