2 Pilipino, pinangangambahang namatay sa sunog sa France

Pinangangambahang kasama ang dalawang matandang Filipino sa 10 nasawi sa sunog sa isang apartment building sa Paris, France.

Ang dalawang matanda ay mag-asawa at naninirahan sa ikawalong palapag ng nasunog na building.

Mayroon ding apat pang Pinoy ang naninirahan sa una at ikatlong palapag.

Nanawagan ang Department of Foreign Affairs (DFA) sa mga Filipino na naapektuhan ng sunog na tumawag sa kanilang emergency hotline sa numerong 0620592515 para sila ay matulungan.

Ang sunog na ito ay sinasabing ang pinakamalala sa Paris simula taong 2005.

Umabot sa higit 250 bumbero ang umapula sa sunog.