LOOK: Mga larawan ng salpukan ng 2 bus sa Compostela Valley

(UPDATE) Lumabas ang mga larawan ng 2 bus na nagsalpukan sa highway sa Nabunturan, Compostella Valley na ikinamatay ng 5 katao.

Makikita sa mga larawan ang matinding pinsala ng 2 bus.

Total wreck ang parehong unahang bahagi ng mga sasakyan.

Ang salpukan ay sa pagitan ng Metro Shuttle na papuntang New Bataan at Bachelor Express na biyaheng Davao City.

Nasa 25 katao naman ang nasugatan sa aksidente.

Sinasabing sumabog ang gulong ng Metro Bus kaya nawalan ng kontrol ang driver sa manibela at napunta ang sasakyan sa kabilang lane at sumalpok sa Bachelor Express bus.