Higit 709,000 naaresto sa paglabag sa mga ordinansa – NCRPO

Umabot na sa 709,515 ang mga naaresto matapos lumabag sa mga ordinasa sa Metro Manila simula June 2018 ayon sa National Capital Region Police Office (NCRPO).

Ayon kay NCRPO chief Director Guillermo Eleazar, numero uno sa listahan ang mga lumabag sa smoking ban na umabot sa 174,440 o 25 percent ng kabuuang bilang.

Sinundan ito ng 43,391 na menor de edad na lumabag sa curfew hours.

Ikatlo naman sa pinakamaraming lumabag ay ang mga walang damit pang-itaas na umabot sa 39,556 ang violators.

Kabuuang 33,551 naman ang nahuli dahil sa pag-inom sa pampublikong lugar.

Sinabi naman ni Eleazar 20.8 percent lang sa kabuuang bilang ang pinagmulta habang 65.3 percent ay binalaan lamang.