Filipino movie na ‘Distance’ kalahok sa isang film fest sa Amsterdam

Makikipagtagisan sa 2019 Roze Filmdagen Film Festival in Amsterdam, Netherlands ang pelikulang ‘Distance’ ni Perci Intalan.

Kinumpirma mismo ito ni Intalan sa Inquirer at sinabing lalaban ang kanyang pelikula para sa best feature film award.

Ang pelikula ay pinagbibidahan ni Iza Calzado.

Ani Intalan, ‘excited’ na siya sa naturang festival dahil ito ang kauna-unahang LGBT film festival na kanyang lalahukan.

Tatakbo ang film fest mula Marso 14 hanggang 24 at layon nitong itaguyod ang kalidad ng mga pelikulang tungkol sa LGBTQ.

Nauna nang ipinalabas ang ‘Distance’ sa 2018 Cinemalaya Philippine Independent Film Festival kung saan nanalo ito ng best supporting actress para kay Therese Malvar.