Babae timbog matapos magnakaw ng higit 200 piraso ng bra

Arestado ang isang 25-anyos na babae makaraang magnakaw ng 230 piraso ng bra sa isang tindahan sa Mangaldan, Pangasinan.

Ayon kay Mangaldan Police deputy chief of police C/Insp. Ariel Cabalero, nakilala ang suspek na si Katherine Pastrana, residente ng Brgy. Bolosan, San Carlos City.

Naaktuhan umano ng may-ari ng tindahan na nagnanakaw ng bra si Pastrana kaya’t agad itong isinumbong sa pulisya.

Mahaharap sa kasong pagnanakaw ang suspek na ngayon ay nananatili sa kustodiya ng pulisya.