Eastern Petroleum, may dagdag-presyo sa LPG

By: Rhommel Balasbas - 5 years ago

Nag-anunsyo ang Eastern Petroleum ng dagdag-presyo sa kanilang liquified petroleum gas (LPG) epektibo simula mamayang alas-6:00 ng umaga.

Ayon sa kumpanya, ang kanilang EC Gas LPG ay may dagdag na P3.40 kada kilo o P37.40 sa kada 11-kilong tangke.

Ang taas-presyo ay bunsod umano ng pinagsamang epekto ng pagtaas sa contract price at pagpapatupad ng ikalawang bugso ng excise tax sa ilalim ng TRAIN law.

Nauna nang nagpatupad ng taas-presyo sa cooking gas ang mga kumpanyang Petron at Solane noong araw ng Biyernes.