Sinabi ng Malacañang na malabo ang pahayag ng Catholic Bishops’ Conference of the Philippines (CBCP) na plano ng pamahalaan ang isang “no-election” scenario.
Base anila ito sa pagpupursige ng administrasyon na isulong ang pederalismo.
Ipinaliwanag ni Presidential Spokesman Salvador Panelo na mismong ang pangulo na nga ang nagsabi na gusto na niyang bumaba sa pwesto dahil sa matinding stress na kanyang pinadadaanan araw-araw sa Malacañang.
Sa susunod na linggo ay sisimulan na rin ng Commission on Elections (Comelec) ang pag-iimprenta ng mga balotang gagamitin sa halalan.
Tiniyak na rin ng pangulo ang pagkakaroon ng maayos, tahimik at matinong eleksyon sa Mayo.
Sinabi rin Panelo na nauubusan na ng isyu ang CBCP kaya kung anu-anong mga recycled na usapin na lamang ang kanilang inilulutang laban sa administrasyon.