Walang balak si Pangulong Rodrigo Duterte na sibakin sa puwesto si TESDA director general Isidro Lapeña.
Ito ay kahit na kinasuhan na ng National Bureau of Investigation (NBI) si Lapeña sa Department of Justice (DOJ) bunsod ng P11 bilyong shabu shipment.
Paglabag sa Comprehensive Dangerous Drugs Act, Anti-Graft and Corrupt Practices Act at grave misconduct ang isinampa kay Lapeña.
Ayon kay Presidential spokesman Salvador Panelo, buo pa rin ang tiwala ng pangulo.
Sa ngayon, sinabi ni Panelo na maituturing pang inosente si Lapeña sa mga akusasyon dahil wala pa namang pinal na hatol ang korte.
Ayon kay Panelo, personal na kakilala ng pangulo si Lapeña at alam nito ang kanyang kakayahan.
MOST READ
LATEST STORIES