Mula sa +32 noong Setyembre 2018 ay tumaas ng tatlong puntos ang kasiyahan ng publiko sa Senado o +35 nitong Disyembre na nasa klasipikasyong ‘good’.
Ito ang pinakamataas mula sa +38 na naitala noong Disyembre 2017.
Ayon kay Presidential Spokesperson Salvador Panelo, ang rating na ibinigay sa Gabinete ay magsisilbing inspirasyon sa gobyerno upang paghusayan pa ang trabaho nang sa gayon ay maisakatuparan ang pangako ni Pangulong Rodrigo Duterte na komportableng pamumuhay para sa mga Filipino.
“The satisfactory rating given to the President’s Cabinet certainly is a source of inspiration for us to work harder to give full realisation to the commitment of President Rodrigo Duterte of providing comfortable life to the Filipinos,” ani Panelo.
Wala anyang puwang ang ‘complacency’ o pagiging kampante sa natitirang tatlong taon at kalahati ng administrasyon.
“Complacency has no room in the remaining three and a half years of the administration as we marshall all our energies and talents in assisting the President give fruition to his single-minded goal of bringing about the desired changes in our society,” dagdag ng kalihim.
Hinimok ni Panelo ang mga Filipino na isantabi ang pagkakaiba-iba at magkaisa para sa pag-unlad ng bansa.