M3.7 na lindol, yumanig sa Catanduanes

Niyanig ng magnitude 3.7 na lindol ang bahagi ng Catanduanes kaninang alas-3:20 ng madaling araw.

Ayon sa Phivolcs, ang episentro ng lindol ay sa layong 60 kilometro Timog-Silangan ng bayan ng Gigmoto.

May lalim itong 19 kilometro at tectonic ang dahilan.

Hindi naman inaasahan ang pinsala sa mga ari-arian at kasunod pang mga pagyanig o aftershocks.