Presyo ng Diesel madaragdagan ng P0.50 – P0.55 kada litro sa susunod na linggo

Kinumpirma na ng kumpanyang Jetti Petroleum ang ikaapat na oil price hike ngayong buwan na ipatutupad sa susunod na linggo.

Sa pagtaya ng Jetti, ang presyo na madaragdag sa kada litro ng Diesel ay nasa pagitan ng 50 hanggang 55 centavos.

Habang 20 hanggang 25 centavos naman ang madaragdag sa kada litro ng gasolina.

Ipatutupad ang nasabing panibagong dagdag presyo sa Martes ng umaga.

Ang dagdag presyo ay bunsod pa rin ng paggalaw sa presyo ng produktong petrolyo sa pandaigdigang pamilihan.