1 sugatan sa karambola ng mga sasakyan sa Maynila

Isa ang nasugatan sa karambola ng tatlong sasakyan sa Mabini Bridge sa Maynila.

Na-sandwich ang closed delivery van sa isang tank truck at isang 10-wheeler truck.

Dahil dito, naipit sa van ang driver na si Larry Advincula.

Inabot ng isang oras bago tuluyang natanggal sa pagkakaipit si Advincula na nagtamo ng sugat sapaa at agad itinakbo sa ospital.

Sa paunang imbestigasyon, patungong Maynila ang tatlong sasakyan nang maganap ang aksidente.

Nawalan umano ng preno ang 10-wheeler truck kaya sinalpok nito ang likuran ng van.

Tumama naman ang van sa isa pang sasakyan na nasa kanyang harapan.