12 sugatan sa karambola ng 14 na sasakyan sa South Cotabato

Sugatan ang 12 katao matapos ragasain ng isang dump truck ang 13 sasakyan sa Koronadal City, South Cotabato, Miyerkules ng gabi.

Nawalan ng kontrol sa preno ang drayber ng truck habang nasa pababang bahagi ng kalsada.

Binangga nito ang mga sasakyan sa kabilang lane maging ang mga naka-park lamang na mga sasakyan.

Agad na dinala ang 12 kataong sugatan sa pagamutan.

Nagdulot ng pagsikip sa daloy ng trapiko ang aksidente.