DOT itinanggi na may kaugnayan sila sa partylist na sponsor ni Pacquiao

Nilinaw ng Department of Tourism o DOT na walang kaugnayan at walang kinalaman ang ahensya sa WOW Pilipinas Party-list.

Maraming nakapansin sa naturang party-list group dahil isa ito sa major sponsor sa katatapos na laban ni Sen. Manny Pacquiao kay Adrien Broner sa Las Vegas, Nevada.

Sa isang statement, sinabi ng DOT na ang patrylist ay taliwas sa “apolitical and nonpartisan nature” ng ahensya na ang pangunahing mandato ay i-promite ang turismo ng Pilipinas.

Payo ng Tourism Department sa publiko, ang lahat ng “official communications” ng ahensya ay makikita sa kanilang website at opisyal na social media accounts.

Base sa official Facebook Page ng WOW Pilipinas, sila raw ay isang “tourism sector party-list.”