Rigodon isinagawa sa liderato ng Kamara

Ilang araw bago ang election break ng Kongreso nagkaroon ng rigodon sa liderato ng Kamara.

Si Capiz Rep. Fred Castro na ang bagong majority leader at papalitan si Camarines Sur Rep. Rolando Andaya Jr. na magiging chairman ng House Committer on Appropriations.

Gayunman, ayon kay Castro magkakaroon pa ng pormal na anunsyo mamayang hapon sa plenaryo.

Paliwanag nito, ang pagpalit niya kay Andaya bilang majority leader ay isang “gentlemen’s agreement”.

Ito na anya ang kanilang napagkasunduan noong maupo ang bagong liderato ng Kamara matapos mapatalsik si dating Speaker Pantaleon Alvarez.