LOOK: Jalad, nagpaalala sa mga manonood ng Pacquiao-Broner fight ukol sa Bagyong Amang

Dahil sa pananalasa ng Bagyong Amang sa ilang lugar sa Visayas at Mindanao regions, pinayuhan ni Office of Civil Defense (OCD) undersecretary Ricardo Jalad ang mga manonood sa laban ni Pambansang kamao Manny Pacquiao na maghanap na ng ligtas na lugar para hindi maistorbo sa panonood sa boksing.

Sa panayam ng Radyo Inquirer, sinabi ni Jalad na ito ay para makaiwas na rin sa mga hindi kanais-nais na insidente.

Maari aniyang magdulot ng landslide o flashflood ang Bagyong Amang sa mga lugar na mababa o hindi kaya ang mga nasa paanan ng bundok o ang mga malalapit sa dalampasigan.

Sa ngayon, wala pa namang natatanggap na ulat ang OCD ukol sa pinsala dulot ng Bagyong Amang.