Sa maghapon operasyon kahapon, araw ng Huwebes (Jan. 17), umabot sa 30 sasakyan ang nahuli ng inter-agency council on traffic o I-ACT dahil sa iba’t ibang paglabag.
Nagsagawa ng operasyon sa maghapon ang mga tauhan ng MMDA, LTO, LTFRB at PNP-HPG.
Kabilang sa mga paglabag ay ang pag-disregard sa traffic sign, hindi paggamit ng seat belt, riders na nakasuot ng tsinelas, paglabag sa tricycle ban, walang helmet, hindi rehistradong sasakyan, walang driver’s license, walang dalang OR/CR, colorum, at obstruction.
Ayon sa I-ACT, sa mga nahuling lumabag, tatlong sasakyan ang na-impound.
Kabilang dito ang isang UV Express na bumibiyahe ng expired na ang rehistro; isang taxi na sangkot sa modus na “ulo-ulo” o naniningil ng per head sa mga pasahero at isang pribadong kotse na namamasada at naninigil din ng per head sa mga pasahero.