5 private emission testing centers na namemeke ng resulta, sinuspinde ng DOTr

Pinatawan ng suspensyon ng Department of Transportation (DOTr) ang limang Private Emission Testing Centers (PETCs) dahil sa pamemeke ng resulta ng isinasagawa nilang emission tests.

Ang suspension ay matapos ang ginawang imbestigasyon ng Investigation Security and Law Enforcement Staff (ISLES) ng DOTr.

Kabilang sa sinuspinde ang mga sumusunod:

1. CSC Emission Test Center – Purok Malipayon, Zone IV, Libertad, Surallah, 9512, South Cotabato

2. AKZ Emission Testing Center – National Highway, Southern Paligue, Padada, 8007, Davao Del Sur

3. CSC Emission Test Center – National Highway, Tupi, 9505, South Cotabato

4. Javechiat Emission Center – National Highway, Brgy. II, Sagay City, 6122, Negros Occidental

5. ECO Friendly Emission Test Center – Bulala, Camalaniugan, 3510, Cagayan

Epektibo ang suspeksyon sa loob ng 90 araw.

Ayon sa DOTr, pindalhan na rin nila ng kopya ng suspension order IT Service Provider ng mga naturang kumpanya.

Maari din kasi silang maharap sa parusa kapag patuloy na nagproseso ng datos mula sa mga suspendidong PETCs.