P50,000 halaga ng shabu nasabat sa isang drug suspect sa Cebu City

Arestado ang isang shellcraft maker sa Cebu City matapos mahulihan ng ilegal na droga.

Kinilala ang suspek na si Prescila Mangila, 49 anyos na nadakip sa Brgy. Mambaling.

Aabot sa P50,000 na halaga ng ilegal na droga ang nakumpiska kay Mangila.

Ayon kay Chief Insp. Randy Caballes, ng Mambaling Police Staiton, may nag-tip sa kanila ng ilegal na aktibidad ni Mangila kaya agad silang nagkasa ng operasyon.

Nakakulong na ngayon sa Mambaling police ang babaeng suspek.