Ayon kay presidential spokesman salvador panelo, seryosong bagay ang nangyaring passport data breach at hiindi dapat na ipagkibit-balikat lamang.
Pinabubusisi rin ng Palasyo sa NPC kung may nalabag sa mga probisyon ng Republic Act No. 10173 o mas kilala bilang Data Privacy Act of 2012.
Pinasisiyasat din ng Malakanyang sa isasagawang imbestigasayon ang proseso sa printing ng mga passports upang malaman kung may mga batas ding nilabag na naglalagay sa alanganin sa publiko.
Hindi na rin aniya kailangan ng mga aplikante ng passport renewal na magsumite ng original
Copy ng certificate of live birth mula sa Philippine Statistics Authority (PSA).
Ayon kay Panelo, dagdag parusa lamang kasi ito sa mga aplikante
Sapat na aniya ang pag presenta ng lumang passport para maiwasan ang red tape na isa sa mga ayaw ng kasalukuyang administrasyon.
Dagdag ni Panelo kaisa ang Palasyo sa mga Filipino na naghahangad ng katotohanan sa insidente.