3 patay, 23 sugatan sa bus crash sa Ottawa

Sumalpok ang isang double-decker bus sa isang transit shelter na ikinasawi ng 3 katao at ikinasugat ng 23 iba pa.

Ayon kay Police Chief Charles Bordeleau, arestado ang hindi pinangalanang bus driver pero tumanggi na itong magbigay ng karagdagang detalye kung bakit ito ikinulong.

Sinabi naman ni Ottawa Mayor Jim Watson na 2 sa mga namatay ay sakay ng bus habang ang 1 pa ay nasa shelter.

Ayon sa Ottawa Hospital trauma center, 9 na biktima ang nasa kritikal na kundisyon. 

Nangyari ang aksidente sa Westbro station kung saan nagtamo ng matinding pinsala ang bus sa harapang bahagi nito habang ang bubong ng shelter ay natanggal at napunta sa second deck ng bus.

Nagdulot naman ng trapik ang aksidente sa downtown Ottawa.