Ilang dayuhan, huli sa paglabag sa smoking ban sa Makati

 

Ilang mga dayuhan ang nahuli dahil sa paninigarilyo sa pampublikong lugar sa Makati City.

Naaktuhang naninigarilyo sa mga lugar na may mga “No Smoking” signs gaya sa Valero Acces Road sa Barangay Bel-Air.

May mga nahuli rin sa labas ng bar at restaurant sa Barangay Poblacion.

Ilan sa mga ito ay nakiusap pa sa mga pulis na huwag silang isyuhan ng violation ticket at tinangka pang suhulan ang pulis na nanghuhuli sa kanila.

Ayon sa Makati City Police nasa 30 katao ang naaresto nila gabi-gabi dahil sa paglabag sa smoking ban at karamihan sa mga ito ay mga dayuhan.

Ang lumalabag sa smoking ban ay may katapat na multang P1,000.