Driver ng kotse sugatan matapos bugbugin ng motorcycle rider na kaniyang nabangga

Sugatan ang isang lalaking driver ng kotse matapos itong bugbugin ng driver ng motorsiklong kaniyang nabangga.

Ayon sa biktima, patawid siya galing Fugoso St. sa Sta. Cruz Maynila nang makasalpukan niya ang motorsiklo sa bahagi ng Rizal Avenue.

Sa lakas ng pagkakabangga nakita sa CCTV na tumilapon pa ang rider ng motorsiklo.

Pero agad tumayo ang rider, kinuha ang kaniyang baril at sinugod ang driver ng kotse.

Doon na siya sinuntok sa ulo ng rider. Sinipa din ang kaniyang kotse.

Matapos ito ay mabilis na umalis ang rider.

Desidido ang driver ng kotse na sampahan ng kaso ang motorcycle rider.