Top 4 na pelikula sa katatapos na MMFF inanunsyo na

Inanunsyo na ng Metropolitan Manila Development Authority (MMDA) at ng Metro Manila Film Festival (MMFF) ang mga pelikulang nanguna sa katatapos na MMFF.

Ayon kay MMFF chairman at MMDA chairman Danny Lim, ang top 4 ay ang Fantastica, Jack Em Popoy, Aurora at Mary Marry Me.

Sinabi rin ni Lim na susuportahan ng MMFF committee ang pelikulang ‘Rainbow’s Sunset’ para magkaroon ito ng international screenings.

Katunayan sa Marso, ang ‘Rainbow’s Sunset’ aniya ay makakalahok sa film festival sa Amsterdam.

Excited naman si Lim para sa MMFF 2019 na makakasabay sa centennial celebration ng Philippine Cinema.