U.S. President Donald Trump, nag-walk out sa pulong kasama ang mga Democrats leader

Nag-walk out si U.S. President Donald Trump sa ginanap na pagpupulong kasama ang Democratic leaders.

Ang pulong ay kaugnay sa ika-19 na araw na ng government shutdown sa Estados Unidos.

Kasama ni Trump sa nasabing pulong sina Speaker Nancy Pelosi at Senate President Chuck Schumer.

Sa kaniyang tweet, sinabi ni Trump na ‘total waste of time’ ang nasabing pulong.

Ani Trump, tinanong niya sina Pelosi at Schumer kung aaprubahan na ba nila ang hinihinging budget para sa border security pero sumagot umano ng ‘hindi’ si Pelosi.

Dahil dito, sinabi ni Trump na agad na siyang umalis sa naturang pulong dahil wala naman itong kahihinatnan.